Եգիպտագետներն ավելի քան 100 տարի առաջ Թութանհամոնի դամբարանի հայտնաբերումից ի վեր (1922թ.) առաջին անգամ փարավոնի նոր դամբարան են հայտնաբերել, հայտնում է BBC-ն:
Եգիպտոսի 18-րդ դինաստիայի ներկայացուցիչ Թութմոս II փարավոնի դամբարանը հայտնաբերել է հետազոտողների բրիտանա-եգիպտական թիմը՝ Թեբանի նեկրոպոլիսի արևմտյան հովիտներում՝ Լուքսոր քաղաքի մոտ: Թութմոս II-ը կառավարել է 3,500 տարի առաջ:
«Առաստաղի մի մասը շատ լավ է պահպանված. կապույտ ներկված առաստաղ՝ դեղին աստղերով: Իսկ դեղին աստղերով կապույտ ներկված առաստաղներ միայն թագավորների դամբարանում են լինում», — նշել է առաքելության դաշտային ղեկավար դոկտոր Պիրս Լիթերլենդը:
Նա ընդգծել է, որ այս հայտնագործումն այնքան տպավորիչ է, որ ինքն անգամ արտասվել է:
