Մակրոնը չի ցրի Ազգային ժողովը Եվրախորհրդարանի ընտրություններից հետո

169

Ֆրանսիայի նախագահ Էմանուել Մակրոնը մտադիր չէ ցրել Ֆրանսիայի Ազգային ժողովը (խորհրդարանի ստորին պալատ) Եվրախորհրդարանի ընտրությունների արդյունքներով։ Այս մասին երկուշաբթի BFM հեռուստաալիքի եթերում ասել է պետքարտուղար,  ֆրանսիական կառավարության նախագահ Սիբեթ Նդիայը, տեղեկացնում է ՏԱՍՍ-ը։

«Նախագահը չի ցրի Ազգային ժողովը,- նշել է նա։- Ընտրությունների արդյունքները դա չեն պարտադրում»։ Նդիայը մատնանշել է, որ «երկրում քաղաքական ճգնաժամ չկա»։ «Ընտրությունները, որոնք ցուցաբերել են ընտրողների ակտիվության աճ, նախագահ Մակրոնի պարտությունը չեն հանդիսանում»,- ընդգծել է պետքարտուղարը։

Նդիայը խոստովանել է, որ «Հանրապետությունը քայլերթի» է կառավարող կուսակցությունը ստացել է մեկ տոկոսվ քիչ ձայն ընտրություններում, քան Մարին լը Պենի «Ազգային միաբանությունը», բայց կուսակցությունները կունենան միանման քանակությամբ մանդատներ Եվրախորհրդարանում՝ 23-ական։

Հանրապետության ՆԳՆ տարածած տվյալներով՝ «Ազգային միաբանությունը» զբաղեցնում է առաջին տեղը՝ 23,31 տոկոսով, նրան հետեւում է կառավարող կուսակցությունը՝ 22,41 տոկոսով։ Երրորդը ձախ արմատական «Եվրոպա-էկոլոգիա-կանաչներ»-ն է՝ (EELV)՝ 13,47 տոկոս։

Չորրորդը «Հանրապետականներն» են, որոնք հավաքել են 8 տոկոս, Ժան Լյուք Մելանշոնի «Չհնազանդված Ֆրանսիա» կուսակցությունը հինգերորդն է՝ 6,31 տոկոս, Սոցիալիստական կուսակցությունը վեցերորդն է՝ 6,19 տոկոս։

Մյուս կուսակցությունները չեն հաղթահարել հինգտոկոսանոց շեմը եւ զրկվել են Եվրախորհրդարանի մանդատ ունենալու հնարավորությունից։