ԱՄՆ նախկին զինվորականները Թրամփին կոչ են արել Իրանի հետ պատերազմ չծավալել

196

Ամերիկացի 70 նախկին բարձրաստիճան զինծառայողներ նամակ են հղել ԱՄՆ նախագահ Դոնալդ Թրամփին՝ կոչ անելով խուսափել Իրանի դեմ պատերազմից, հաղորդում է «Ինտերֆաքս»-ը:

«Որպես նախագահ եւ գերագույն գլխավոր հրամանատար, Դուք իշխանություն ունեք՝ անհապաղ դադարեցնելու տարածաշրջանում լարվածությունը»,- ասվում է War on the Rocks պարբերականում հրապարկված նամակում:

«Իրանի դեմ պատերազմը՝ մտածված կամ պատահականության արդյունքում, մասշտաբային հետեւանք կարող է ունենալ Մերձավոր Արեեւլքի ապակայունացման համար, եւ Միացյալ Նահանգները կտանեն զինված հակամարտության՝ ֆինանսական, աշխարհաքաղաքական եւ հումանիտար արժեքով»,- ասվում է նամակում:

Ամերիկացի նախկին զինվորականները նախագահին կոչ են արել Իրանի եւ ԱՄՆ-ի միջեւ լարվածության դեէսկալացիայի միջոցներ ձեռնարկել: Նամակում ասվում է նաեւ, որ այդ միջոցներն անհրաժեշտ են ԱՄՆ շահերի պաշտպանության համար:

Համաձայն պարբերականի տեղեկությունների՝ նամակը կազմել են Ազգային անվտանգության առաջնորդների քոլեջի կազմակերպությունը, որի կազմում են ԱՄՆ պաշտոնական անձինք ու նախկին բարձրաստիճան զինվորականները:

«ԱՄՆ-ի ազգային շահերի պաշտպանությունը պետական հասնություն եւ իմաստություն է պահանջում, ինչպես նաեւ ագրեսիվ դիվանագիտությունից եւ զինված հակամարտությունից հրաժարում»,- նշվում է նամակում:

Նախօրեին, ինչպես հայտնել էր AP գործակալությունը, Սպիտակ տունը Կոնգրեսին հայտնել էր Մերձավոր Արեւելք 1,5 հազար զինծառայող ուղարկելու որոշման մասին: Bloomberg-ի տեղեկություններով էլ, Թրամփը հրաման է արձակել՝ Մերձավոր Արեւելքում Իրանի պատճառով լարվածության աճի հետ կապված: Նախորդ շաբաթ ԱՄՆ նախագահն Իրանին սպառնացել էր պատասխան տալ, եթե վերջինս շարունակի սպառնալ Վաշինգտոնին եւ հակամարտություն հրահրել: