Երեւանի Մուշավան թաղամասում մի քանի տներ հայտնվել են ջրի մեջ

136

Երեւանում, այսօր՝ մայիսի 23-ին, արտակարգ իրավիճակ է ստեղծվել. ժամը 06։30-ի սահմաններում մի քանի քաղաքացիներից ահազանգ է ստացվել, որ Էրեբունի վարչական շրջանի Մուշավան թաղամասի 2-րդ փողոցով անցնող առվի ջրի հունի մակարդակը բարձրացել է եւ լցվել մի քանի բակեր ու տներ։

Shamshyan.com-ի հաղորդմամբ, պարզվել է, որ ոռոգման առուն վարարել է, ու ջուրը լցվել է 2-րդ փողոցի մի քանի տներ՝ վնասելով նաեւ բնակիչների այգիներն ու նկուղները։ Մի քաղաքացու 10-ից ավելի հավերն են սատկել։