Թբիլիսիի կլինիկաներում ակցիայի պատճառով 52 տուժած կա. երկուսի աչքերը հաջողվել է պահպանել

155

Թբիլիսիի տարբեր կլինիկաներում բուժվում է բողոքի ակցիայի պատճառով տուժած 52 պացիենտ: Վրաստանի ԱՆ տեղեկություններով՝ ճնշող մեծամասնության առողջական վիճակը կայուն է եւ նրանց մի մասն այսօր կհեռանա բժշկական հաստատությունից, հաղորդում է 1tv.ge-ը:

Ինգորկովի անվան վիրաբուժական կլինիկայում մնում է 9 պացիենտ, որոնք վիրահատվել են: Բժիշկների խոսքով՝ ամենայն հավանականությամբ արդեն երկուշաբթի նրանք բոլորը դուրս կգրվեն բժշկական հաստատությունից:

Ինչ վերաբերում է մյուս տուժածներին, 11 պացիենտներ մնում են «Նյու հոսպիտալում»: Կլինիկայի տեղեկություններով՝ պացիենտներից ոչ ոք կյանքի համար վտանագվոր վնասվածք չունի:

Եւս 4 պացիենտ մնում է Գուդուշաուրի հիվանդանոցում: Կլինիկայում ասում են, որ նրանք, հավանաբար, դուրս կգրվեն մինչեւ օրվա վերջ:

apsny.ge-ն իր հերթին հաղորդում է, որ փամփուշտից տուժած երկու պացիենտների բարդագույն վիրահատություն են կատարել: Բարեբախտաբար, երկու դեպքում հաջողվել է պահպանել աչքերը: