Ինչպես է այն կամավորների ինքնազգացողությունը, որոնց պատվաստել են կորոնավիրուսի դեմ

45

COVID-19–ի պատվաստանյութի փորձարկմանը մասնակցող կամավորները գտնվում են Բուրդենկոյի անվան գլխավոր ռազմական կլինիկական հոսպիտալի մասնագետների հսկողության տակ, տեղեկանում ենք ՌԴ ՊՆ պաշտոնական կայքից։ Նշվում է, որ բոլոր կամավորներն իրենց լավ են զգում, պատվաստանյութի ներարկումից հետո անցանկալի լուրջ երևույթներ չեն նկատվում։ Կամավորներն ամեն օր լաբորատոր և գործիքային հետազոտություններ են անցնում։ «Այսօր կկայանա հետազոտությունների անցկացման հերթական փուլը’ պատվաստանյութի ներարկումից հետո իմունային պատասխանի առկայությունն ուսումնասիրելու համար»,–նշել է հոսպիտալի անեսթեզիոլոգ–ռեանիմատոլոգ Օլեգ Չիխլյաևը։ Նա հայտնել է, որ հետազոտություններից և նախնական տվյալները ստանալուց հետո կփորձարկեն կամավորների մյուս մասին, որոնք այս պահին ստացիոնար բաժնում գտնվում են մեկուսացման մեջ։Մարդիկ «Դեքսամետազոն» են գնում կորոնավիրուսից փրկվելու համար. նախարարության արձագանքը ՌԴ առողջապահության նախարարությունը հունիսի 16-ին թույլատրեց Բուրդենկոյի անվան հոսպիտալի հենքի վրա կլինիկական փորձարկումներ անցկացնել։ Հունիսի 18-ին COVID-19–ի դեմ փորձնական պատվաստանյութը ներարկվեց առաջին 18 կամավորներին։ Գամալեայի անվան համաճարակաբանության  և միկրոկենսաբանության գիտահետազոտական կենտրոնի տնօրեն Ալեքսանդր Գրինցբուրգն ասել էր, որ Ռուսաստանում կորոնավիրուսի դեմ պատվաստանյութի թողարկումը կարող է սկսվել արդեն աշնանը։