Արփին եւ Միհրանը որդի կունենան

67

Միհրան Ծառուկյանը եւ Արփի Գաբրիելյանն ամիսներ անց ծնողներ կդառնան: Նրանք
սոցցանցային իրենց էջերում նոր լուսանկարներ են հրապարակել, որոնցում
երեւում է Արփիի կլորացած փորիկը, քիչ առաջ էլ հայտնել են առաջնեկի սեռը:

2019-ի դեկտեմբերին ամուսնացած զույգը որդի կունենա: Փոքրիկի սեռը նրանք հայտնել
են «Արմենիա» հեռուստաընկերության նախաձեռնած համերգային երեկոյի ժամանակ՝
կտրելով հատուկ պատրաստված տորթը:


Միհրանը խոստացավ, որ իրենց փոքրիկի օրորոցայինն ինքն է երգելու.«Մեր շատ սիրելի ընկերներ Ավետ Բարսեղյանն ու Մարտին Միրզոյանը մի գեղեցիկ երգ են գրել նրա համար: Հուսով եմ, որ շատ ու շատ փոքրիկների սիրելի օրորոցայինը կդառնա»,-նշել է երգիչը, սեր խոստովանել Արփիին եւ հավելել, որ երգը կոչվում է «Հոր օրորը»: