18-ամյա երիտասարդը Այգեստանում դանակահարել է երեք մարդու

127

Մայիսի 30-ին, ժամը 20.00-ին, հիվանդանոցից ոստիկանության Կենտրոնական բաժին հաղորդում է ստացվել, որ «կտրած-ծակած վերք» ախտորոշմամբ բուժօգնության են դիմել 3 երիտասարդ:

Ոստիկանությունից NEWS.am-ին հայտնում են, որ փաստի առթիվ ՀՀ քրեական օրենսգրքի 112 հոդվածի 1-ին մասով հարուցվել է քրեական գործ:

Ոստիկանության Երեւան քաղաքի վարչության եւ Կենտրոնական բաժնի ծառայողների համատեղ միջոցառումների շնորհիվ պարզվել է, որ երիտասարդներին մարմնական վնասվածքներ հասցրել է 18-ամյա մի տղա՝ Այգեստանի 10-րդ փողոցում տեղի ունեցած վիճաբանության ժամանակ: Նա ոստիկանների բացատրական աշխատանքների շնորհիվ ներկայացել է բաժին եւ տվել խոստովանական բացատրություն:

Կատարվում է նախաքննություն: