Շուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ
«Հրապարակի» հարցերին պատասխանում է ԱԺ «Հայաստան» խմբակցության պատգամավոր Վահե Հակոբյանը:
— Պարոն Հակոբյան, մենք տեղեկություն ունենք, որ այժմ Դուք Ռուսաստանում եք գտնվում:
— Այո, հիմա Մոսկվայում եմ:
— Իսկ եթե գաղտնիք չէ, ինչո՞ւ:
— Չեմ կարող ասել:
— Արդեն երկրորդ օրն է Հայաստանն Ադրբեջանի հրետակոծությունների թիրախում է, իշխանական շրջանակներն էլ տարատեսակ անկարևոր հարցեր են պառլամենտում քննարկում, սակայն ամենակարևորից` գրեթե չեն խոսում….
— Օրվա իշխանությունները հանցավոր պայմանավորվածություն են ձեռք բերել Ադրբեջանի հետ: Ուրիշ բան ես չեմ էլ սպասում նրանցից:
— Ի՞նչ պայմանավորվածություն: Ի՞նչ եք ակնարկում:
— Չեմ կարող ասել: Ի՞նչ կարևոր է նոր է, թե՞ հին է: Քաջատեղյակ են, թե ինչ է կատարվում, դա լրիվ հերիք է: Հիմա էլ ԱԺ-ում նստած սերմացուների հարց են քննարկում: Երևի հիմա ամենակարևոր հարցը դա է:
— Իրավիճակից դուրս գալու ելքը տեսնո՞ւմ եք:
— Իշխանություններին պետք է վռնդել հենց այս պահին: Բոլորով պետք է համախմբվենք և տանք համապատասխան, արժանի պատասխան: Էստեղ էական չէ, թե ամերիկացիների, ֆրանսիացիների, թե պարսիկների ձեռքը կբռնենք, պետք է համախմբվել անհապաղ` առանց լիրիկական զեղումների:
— Որոշ շրջանակներ նաև մեղադրում են ընդդիմությանը, նշելով, թե դուք չեք համախմբվում իշխանության շուրջ, ձեր կեցվածքը կրավորական է:
— Ինչքան ուզում են թող մեղադրեն, դա էնքան մեկ է ինձ համար:
— Բայց նրանց շարքերում նաև ձեզ ձայն տված քաղաքացիներն են:
— Ինչո՞ւմ են մեղադրում, բայց:
— Ոչ այնքան վճռական լինելու մեջ:
— Հա, եղավ, ես իրենց շնորհավորում եմ այդ կապակցությամբ:
— Նիկոլ Փաշինյանը հայտնել է 49 զոհի մասին: Դուք Սյունիքից տեղեկություն ունե՞ք:
— 200-ը վաղուց անցել է: 200-ից ավելի զոհ ունենք:
— Լարված իրավիճակը կարո՞ղ է լայնամասշտաբ պատերազմի վերածվել:
— Էս փուլում ոչ, բայց քանի որ ադրբեջանցիները հասկացել են, որ Նիկոլ Փաշինյանն ու իր կառավարությունը պատրաստ են տալ ամեն ինչ, ես ոչինչ էլ չեմ բացառում:
— Ամեն ինչ ասելով ի՞նչ նկատի ունեք:
— Նրանց նպատակը Սյունիքը կտրելն է և դրանով Երևանից Սյունիք կապը խզելը: Թշնամու ախորժակը շատ մեծ է, դեռ շատ բաներ են ուզելու: Ոտնձգություններ կարող են կատարել նաև Երևանի ուղղությամբ: Որտեղ կարողանան` գրավելու են:
— Դե եթե Հայաստանի վարչապետն, ինչպես Դուք նշեցիք, պայմանավորվածություն ունի նրանց հետ, էլ ինչո՞ւ չպետք է կարողանան….
— Իմ ասածը հենց դա է: